Google ADS

Milani e kërkon Igli Taren

12:09 | 24 Korrik 2018
Arbresh.info

Igli Tare cilësohet si një prej më të mirëve në profesionin e tij në Itali.

Massimiliano Mirabelli do t’i jap lamtumirën Milanit. Drejtori sportiv i kuqezinjve, do të largohet pak më shumë se një vit nga emërimi në këtë detyrë.

Mirabelli, sipas mediave italiane, konsiderohet një njeri i afërt me administratorin e deleguar tashmë të shkarkuar Marco Fassone, ndaj nuk shihet si një njeri i besuar.

Gazzetta Dello Sport shkruan se kandidat për rolin e drejtorit sportiv të Milanit është edhe Igli Tare, njeriu që ka bërë një punë të jashtëzakonshme me Lazion.

Tare konkurron për këtë post me Cristiano Giuntoli, që është shumë pranë largimit nga Napoli. Gjithashtu flitet edhe për rikthimin e Ariedo Braidas, aktualisht drejtor i sektorit të marrëdhënieve me jashtë te Barcelona.

Gjithsesi, do të jetë shumë e vështirë që presidenti i Lazios, Claudio Lotito, të lejojë largimin e Tares nga bardheklatrit.

 

Shpërndaje në rrjete sociale

Lajmet më të lexuara

Të ngjashme

Foto lajm